एजेन्सी । स्विडेनका वैज्ञानिकले हालै गरेको अनुसन्धानले कोरोना संक्रमणबाट ज्यान जाने जोखिम विवाहितलाई भन्दा अविवाहितलाई बढी हुने देखाएको छ । अनुसन्धानकर्ताका अनुसार विवाह गरेका व्यक्तिका तुलनामा बिहे गरेका व्यक्तिमा कोरोना संक्रमण भयो भने ज्यान जानेको खतरा डेढ गुणा बढी हुन्छ। अर्को शोध अनुसार अविवाहित व्यक्ति धेरै रोगबाट ग्रस्त हुन्छन्, जसका कारण उनीहरूको मृत्यु दर उच्च छ ।

स्विडेनको स्टकहोम युनिभर्सिटीका वैज्ञानिकले गरेको अनुसन्धानले महिलामा भन्दा पुरुषमा कोरोनाको जोखिम २ गुणा बढी हुने तथ्य पत्ता लगाएको छ । तर पुरुष विवाहित छन् भने जोखिम केही कम हुने अनुसन्धानकर्ताले बताएका छन् । अविवाहित, कम आम्दानी र अशिक्षा भएका पुरुष कोरोना संक्रमणबाट मृत्यु हुने जोखिममा बढी हुने अनुसन्धानकर्ताको दाबी छ ।

नेचर कम्युनिकेसन जर्नलमा प्रकाशित अनुसन्धान प्रतिवेदनमा अनुसन्धानकर्ता ड्रेफालले भनेका छन्, ‘अन्य देशमा भन्दा स्विडेनमा जन्मेका मानिसमा यस्तो जोखिम बढी देखिएको छ । कोरोनाबाट हुने संक्रमण तथा मृत्युको सम्बन्ध निम्न आय र शिक्षासँग पनि जोडिएको छ ।’

वैज्ञानिकको दाबी के छ भने महिलाको तुलनामा पुरुषको मृत्युदर बढी हुन्छ, किनकि यिनीहरूको शारीरिक बनोट र जीवनशैली नै फरक हुन्छ । कम शिक्षा र आय भएपछि स्वास्थ्य पनि कमजोर हुन्छ । किनकि उसले आफ्नो स्वास्थ्यमा धेरै ध्यान पुर्‍याउन सक्दैन ।