काठमाडौं । पछिल्लो २४ घन्टामा काठमाडौं उपत्यकामा १ हजार ७ जनामा कोरोना संक्रमण भेटिएको छ । आज काठमाडौंमा ७ सय ७९, ललितपुरमा १ सय ४३ र भक्तपुरमा ८५ जना कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यस्तै काठमाडौं उपत्यकाका काठमाडौं, भक्तपुर, ललितपुरसहित कास्की जिल्लामा ५०० भन्दा बढी सक्रिय संक्रमित रहेका छन् । यस्तै देशभर १८ हजार ८ सय ८४ जना सक्रिय संक्रमित रहेकोमा मनाङ र मुगुमा १ जना पनि संक्रमित रहेका छैनन् ।

पछिल्लो २४ घण्टामा देशभर १ हजार ९ सय ८० जना कोरोना संक्रमित थपिएका छन् । यो सहित कुल संक्रमितको संख्या २ लाख २२ हजार २८८ पुगेको छ ।

स्वास्थ्य तथा जनसंख्या मन्त्रालयका अनुसार देशभर ३ हजार ४३ जना संक्रमणमुक्त भएका छन् । योसँगै संक्रमणमुक्त हुनेको संख्या २ लाख २ हजार ६७ पुगेको छ ।

आज देशभर १८ हजार ८ सय ८४ जना सक्रिय संक्रमित छन् । आज देशभर १६ जना संक्रमितको ज्यान गएको छ । अहिलेसम्म १ हजार ३ सय ३७ जना संक्रमितको ज्यान गइसकेको छ । पछिल्लो २४ घण्टामा १० हजार ३८१ जनाको पिसिआर परीक्षण भएको छ ।