काठमाडौं । नेपालमा कोरोना संक्रमितको संख्या २ लाख २४ हजार ७८ जना पुगेको छ । गत २४ घण्टामा मात्र १ हजार ७ सय ९० जना संक्रमित भेटिएको स्वास्थ्य तथा जनसंख्या मन्त्रालयले जनाएको छ । आज भेटिएका मध्ये ७ सय २१ महिला र १ हजार ७९ पुरुष रहेका छन् ।

स्वास्थ्य मन्त्रालयका अनुसार नयाँ संक्रमित हुनेहरुमा कपिलवस्तुमा ९, लमजुङमा ६, गोरखामा २५, सप्तरीमा १०, मोरङमा ७५, कैलालीमा ६१, प्युठानमा २, झापामा ३३, भक्तपुरमा ६५, तनहुँमा १३, बर्दियामा ३३, कास्कीमा ८३ र बाँकेमा ३८ जनामा कोरोना संक्रमण पुष्टि भएको छ ।

त्यस्तै काभ्रेमा ६१, रुपन्देहीमा ३८, ललितपुरमा १९०, काठमाडौंमा ६९२, चितवनमा १७, हुम्लामा २, रसुवामा १, सोलुखुम्बुमा २, नवलपरासी पूर्वमा ९, दाङमा ३६, उदयपुरमा ५, सिरहामा ५, सलार्हीमा १, नवलपरासी पश्चिममा ९, भोजपुरमा २, धादिङमा १५, स्याङ्जामा ८ र गुल्मीमा ३ जनामा संक्रमण पुष्टि भएको छ ।

पर्सामा ७, सल्यानमा २, बारामा ५, नुवाकोटमा ८, पाल्पामा ११, रामेछापमा ७, दोलखामा ३, संखुवासभामा २, अर्घाखाचीमा १०, अछाममा १, जुम्लामा १, सिन्धुलीमा २, डडेलधुरामा ५, मकवानपुरमा २, सिन्धुपाल्चोकमा १३, कन्चनपुरमा ७, धनकुटामा ५, खोटाङमा १ र इलाममा ५ जनामा संक्रमण देखिएको छ ।

त्यस्तै पर्वतमा १, महोत्तरीमा २, रुकुम पश्चिममा ३, रौतहटमा ५, पाँचथरमा ३, ओखलढुंगामा १, दार्चुलामा १, धनुषामा २, कालीकोटमा १, म्याग्दीमा १, बागलुङमा २, सुनसरीमा ११०, तेह्थुममा ५, बझाङमा १, दोलखामा ५ र जाजरकोटमा १ जनामा संक्रमण पुष्टि भएको छ ।

पछिल्लो २४ घन्टामा थप २ हजार ७ सय ९१ जना कोरोना संक्रमणमुक्त भएका छन् । योसहित नेपालमा हालसम्म २ लाख ४ हजार ८ सय ५८ जना उपचारपछि निको भएका छन् ।

त्यस्तै, नेपालमा एकै दिन थप २४ जना कोरोना संक्रमितको ज्यान गएको छ । योसँगै नेपालमा कोरोना संक्रमित मृतकको संख्या १ हजार ३ सय ६१ पुगेको छ । १७ हजार ८ सय ५९ जना आइसोलेसनमा रहेका छन् ।