काठमाडौं । नेपालमा कोरोना संक्रमितको संख्या २ लाख ६८ हजार ९ सय ४८ पुगेको छ । गत २४ घण्टामा ३ सय २ जना संक्रमित थपिएको स्वास्थ्य तथा जनसंख्या मन्त्रालयले जनाएको छ । जसमध्ये ३ हजार ६ सय १४ जना सक्रिय संक्रमित छन् ।

प्रदेश १ को इलाममा १, झापामा १, भोजपुरमा २ र मोरङमा ३ जनामा कोरोना पुष्टि भएको छ । प्रदेश २ को पर्सामा १, बारामा ३ र सिरहामा ३ जनामा कोरोना भेटिएको छ ।

बागमती प्रदेशको काठमाडौंमा मात्र ९० जनामा कोरोना पुष्टि भएको छ । काभ्रेमा १, चितवनमा ४२, धादिङमा १, नुवाकोटमा २, भक्तपुरमा ९, मकवानपुरमा ४, रामेछापमा १, ललितपुरमा १३ र सिन्धुपाल्चोकमा ३ जनामा कोरोना भेटिएको मन्त्रालयले जनाएको छ ।

गत २४ घण्टामा गरिएको परीक्षणमा गण्डकी प्रदेशको कास्कीमा ४४, गोरखामा १, तनहुँमा २, नवलपरासीमा पूर्वमा ८, पर्वतमा ५, म्याग्दीमा २, लमजुङमा २ र बागलुङमा ४ जनामा कोरोना पुष्टि भएको छ ।

लुम्बिनी प्रदेशको कपिलवस्तुमा १, गुल्मीमा ३, दाङमा १, पाल्पामा २, प्यूठानमा १, बाँकेमा १८ र रुपन्देहीमा १० जनामा कोरोना पाइएको छ ।

गत २४ घण्टामा कर्णाली प्रदेशको डोल्पा र सुर्खेतमा १÷१ जनामा कोरोना भेटिएको छ । सुदूरपश्चिम प्रदेशको कञ्चनपुरमा १५ जनामा मात्र कोरोना भेटिएको मन्त्रालयले जनाएको छ ।