काठमाडौं । राजनीतिमा विवेक र अक्कल एकै चोटी बन्द भएपछि फुर्ने आईडिया नेपाल बन्द भएको लेखक तथा पूर्वाधार विज्ञ सूर्यराज आचार्यले बताएका छन् ।

उनले नेकपा प्रचण्ड – नेपाल समुहले भोलि गर्न लागेको आमहड्तालतर्फ लक्षित गर्दै यो एउटा विवेकहीत लम्फू आइडिया भएको तर्क गरेका छन् । आफ्नो सामाजिक सञ्जालमार्फत ट्वीट गर्दै उनले यस्तो बताएका हुन् ।

विज्ञ आचार्यले नेपाल बन्द जस्तो कार्यक्रम तुरुन्त फिर्ता लिन समेत आग्रह गरेका छन् । यस्तो आइडियाले आन्दोलन बलियो हुने होइन, झनै कमजोर बनाउने उनको तर्क छ ।

जसले नेतृत्वलाई जनताबाट टाढा बनाउने आचार्यले बताए । उनले चेतावनीकै भाषामा आन्दोलनलाई बलियो बनाउन बन्दको सहयोग होइन अन्य जनताको सहयोग हुने गरी रचनात्मक कार्यक्रम अघि सार्नुपर्ने तर्फ संकेत गरेका छन् ।

राष्ट्रपति विद्यादेवी भण्डारी र प्रधानमन्त्री केपी ओली मिलेर मुलुकमा असंवैधानिक तवरले नियूक्ति तथा निर्णयहरु गर्दै आइरहेको नेकपाले आरोप लगाएका छन् ।

पुस ५ गते प्रतिनिधि सभा विघटन गरेपछि सरकार चलाइरहेको नेकपाको एउटा ठूलो समुह प्रचण्ड – नेपाल समुह सडक आन्दोलनमा छन् ।

खै भोलि के बन्द, के खुला तपैंहरू नै जान्नोस्। तपैंहरूको विवेकको ढोका चैं आजै देखि बन्द भएको बुझियो।
जनभावना प्रति थोरै मात्र पनि संवेदनशील हुनुहुन्छ भने विनयशीलताका साथ भोलिको कथित आमहड्ताल फिर्ता लिनोस्। तपाईहरूको आन्दोलनको वैधता उँचो हुन्छ। #नमागिएको_सुझाव @narayan11kaji https://t.co/YaKVjBX0vb

— Surya Raj Acharya (@SuryaRAcharya) February 3, 2021