एजेन्सी । बलिउड अभिनेत्री दिया मिर्जाले दोस्रो बिहे गर्ने भएकी छन् । उनले व्यवसायी वैभव रेखीसँग बिहे गर्न लागेकी हुन् । वेभव र दिया आगामी सोमबार (फ्रेबुअरी १५) विवाह बन्धनमा बाँधिन लागेको भारतीय सञ्चारमाध्यमले जनाएका छन् ।

विवाहमा परिवारका सदस्य र नजिकका साथीहरु मात्रै सहभागी हुने बताइएको छ । उनीहरु केही समयदेखि प्रेम सम्बन्धमा रहेको बताइएको छ । वैभव मुम्बईका एक व्यापारी हुन् । उनी मुम्बई बान्द्राको पालीहिल क्षेत्रमा बस्छन् ।

दियाको पहिलो विवाह सन् २०१४ मा साहिल सांगासँग भएको थियो । उनीहरु विवाहको पाँच वर्षपछि सन् २०१९ मा छुट्टिएका थिए । त्यतिबेला दियाले सामाजिक सञ्जालमार्फत आफूले साहिलसँग सम्बन्धविच्छेद गरेको जानकारी गराएकी थिइन् ।