एजेन्सी । दाइजोका कारण नेपालमा मात्रै होइन भारतमा पनि महिलाहरु हिंसाको शिकार भएका छन् । भारतको विहारमा दाइजोका कारण महिलालाई जलाएर मारिएको छ । प्रहरीले घटना बारे थाहा पाउने भन्दै प्रमाण नष्ट गर्न परिवारका सदस्यले घरभन्दा पर नहर किनारमा लगेर शव गाडेका छन् ।

परिवारले पहिला विवाह गरेर ल्याएकी नयाँ दुलहीको जिब्रो काटिदिए र केरोसीन छ्यापेर जिउँदै जलाएका छन् । जब तड्पी तड्पी जलेर महिलाको मृत्यु भयो परिवारले उनको शवलाई गाडेर घरबाट फरार भएका छन् । यो दर्दनाक घटना बगाहा पुलिस जिल्लाको चौतारावा थाना क्षेत्रको पहाडी मझोवा गाउँको हो ।

भर्खरै विवाह भएकी महिलालाई घरका मानिसहरुले विवाह भएको पहिलो महीनामै दाइजोका लागि यातना दिएका थिए । जब विवाहित महिलाका बाबुआमाले दाइजो मागेको जति दिन सकेनन् घर पट्टिकाले महिलालाई आइतबार राति मारिदिएका छन् । मृतककी आमा सजुरुण नेसाले ७ जनाको नाममा चौतारावा प्रहरी चौकीमा उजूरी दिएका छिन् ।

मृतककी आमाले दिएको उजूरीमा करिब तीन वर्ष अघि उनकी छोरी नूरी खातूनको विवाह चौतरवा थापाको पहाडी मेढोवा निवासी अफिसर मियांका छोरा शकुर मियांसँग भएको थियो । दाइजोका रुपमा सजुरुणले छोरीलाई मोटरसाइकल, फर्निचर, गहनालगायत एक लाख रुपैयाँ नगद दिएकी थिइन् ।

विवाह भएको केही महिना पछि घरका मानिसले व्यवसाय गर्ने भन्दै ५ लाख रुपैयाको दाइजो मागेका थिए । माइतीले दाइजो नदिएपछि नूरमाथि निरन्तरको हिंसा भयो । पछिल्लो रात छोरी गायव भएको खबर छोरीका घरपट्टिकाले दिएपछि सोधखोज गर्दा परिवारले मिलेर छोरीलाई जलाएर मारेर शवलाई गाडिएको सजुरुणले थाहा पाइन् ।

नूरीका डेढ वर्षका छोरा पनि छन् । घटनाबारे थाहा नदिन बच्चालाई नूरीको माइती पठाइदिएका थिए । यसैबीच, मृतकका परिवारले आफ्नी छोरीको हत्यारालाई सजाय दिन प्रहरी प्रशासनसँग न्याय माग गरेका छन् । प्रहरीले हत्याराको खोजी गरिरहेको जनाएको छ । हत्यारा अहिलेसम्म फरार छन् ।