एजेन्सी । केही साता अघिदेखि अहिले बेलायत र दक्षिण अफ्रीकामा कोरोना भाइरसको नयाँ स्वरुपबाट मानिसहरु चिन्तित भइरहेका थिए । अहिले आएर अमेरिकामा पनि कोरोनाको नयाँ स्वरुप फेला परेको छ । यो स्वरुप क्यालिफोर्नियामा फेला परेको छ । यो नयाँ स्वरुपलाई सनफ्रान्सिस्कोस्थित क्यालिफोर्निया यूनिभर्सिटीका वैज्ञानिकले पत्ता लगाएका हुन् ।

नयाँ कोरोना भाइरस धेरै संक्रामक, धेरै खतरनाक र धेरै घातक हुन सक्ने वैज्ञानिकहरुको अनुमान छ । यसबाट संक्रमित हुने मानिस गम्भीर रुपले विरामी हुन सक्छन् । क्यालिफोर्निया यूनभर्सिटीका वैज्ञानिकले पत्ता लगाएको यो कोरोना भाइरसको नयाँ स्वरुपको नाम हो B.1.427/B.1.429 ।

अहिले यो भाइरस राज्यभरी सामान्य रुपमा फैलिरहेको छ भन्ने दावी यूनिभर्सिटीका भाइरोलजिस्टहरुको रहेको छ । उक्त स्वरुप सेक्टेम्बरमा लिइएको नमूनाहरुमा थिएन । तर, जनवरीको अन्त्यमा लिइएको नमूनामध्ये आधाबाट यो नयाँ स्वरुप फेला परेको हो ।

क्यालिफोर्निया यूनिभर्सिटीका क्लिनिकल माइक्रोबायोलोजी ल्याबका एसोसिएट निर्देशक डा. चार्ल्स चिउ भन्छन् –‘बेलायत र अफ्रिकामा फेला परेको नयाँ स्वरुप भन्दा यो फरक हुन सक्छ । बेलायत र अफ्रीकाको नयाँ स्वरुपको बाहिरी पत्रमा म्यूटेशन फेला परेको थियो । मलाई यो नयाँ स्वरुप धेरै घातक हुन्छ जस्तो लाग्छ । किनभने यो कोशिकाहरुसंग बलियोसंग टाँसिन्छ । यसकारण यो बढि संक्रामक हुन सक्छ ।’

डा. चार्ल्स चिउका अनुसार उनीहरुले स्वरुपभन्दा बढी घातक हुने प्रमाण फेला परेका छन् । यो स्वरुपले शरीरमा अक्सिजनको मात्रालाई तिब्र गतिले कम गरिरहेको छ । उनीहरुको अध्ययन समीक्षाका लागि आगामी साता सार्वजनिक गरिने छ । यद्यपि, हामीले जुन परीक्षण गर्यौं, ती सबै तथ्यहरु सही छन् ।

डा. चार्ल्सले आशंका व्यक्त गर्दै यो नयाँ स्वरुपले आगामी केही हप्ता भित्रमा आतंक मच्चाउन सक्नेछ । यद्यपि, अमेरिकामा अहिले कोरोना भाइरसको केशहरुमा कमी आइरहेको छ, धेरैभन्दा धेरै मानिसहरुले खोप लगाइरहेका छन् । तर, नयाँ स्वरुपले चिन्ता बढाउने सम्भावना छ । पब्लिक हेल्थ एक्सपर्टहरुका अनुसार नयाँ स्वरुपको संक्रमण तिब्र गतिले फैलियो भने खोप अभियानको गति कम हुनेछ ।

अहिले कोरोनाबाट बच्नका लागि अमेरिकामा जति पनि तयारी गरिएका छन्, तीनलाई तिब्र रुपले दुई गुणा बढाउनु पर्नेछ । मास्क, सामाजिक दुरी तथा भिडभाड हुने क्षेत्रबाट टाढा रहने नियमहरु कडा रुपले लागू गरिने सम्भावना छ । कोरोना भाइरसको नयाँ स्वरुपका बेलायत, दक्षिण अफ्रीका तथा ब्राजिलमा १९ सय नयाँ संक्रमित फेला परेका छन् ।

अब यो अमेरिकामा पनि देखिन थालेको छ । सेन्टर्स अफ डिजीज कन्ट्रोल एण्ड प्रिभेन्सन (सिडिसी) का विशेषज्ञहरुका अनुसार आगामी महिनासम्म क्यालिफोर्नियामा फेला परेको यो नयाँ स्वरुप तिव्र रुपले फैलन सक्ने छ ।