एजेन्सी । बलिउडकी चर्चित अभिनेत्री तथा भाजपा सांसद किरण खेरलाई ब्लड क्यान्सर भएको पुष्टि भएको छ । यो समाचार बाहिर आएपछि उनको तर्फबाट उनका पति तथा अभिनेता अनुपम खेर र छोरा सिकन्दर खेरले औपचारिक स्टेटमेन्ट बाहिर ल्याएका छन् ।

उनीहरुले सार्वजनिक गरेको विज्ञप्तिमा पनि किरणलाई ब्लड क्यान्सर पुष्टि भएको उल्लेख गरिएको छ । अनुपमले उनको स्वास्थ्य लाभको लागि प्रार्थना गर्न अनुरोध गरेका छन् ।

उनले किरणले यो क्यान्सरलाई जित्ने र थप बलियो भएर बाहिर आउने विश्वास आफूले लिएको बताएका छन् । अनुपमको यो स्टाटसमा धेरैले कमेन्ट गरेका छन् ।